आमाँ
हजारौ दुःख शयन गरि हुर्कायौ आमाँ आज मलाई
भबिस्यको सहारा टेक्ने लौरो बनोस छोरो भनी!
आफु भोक भोकै बसी,मलाई मिठो मिठो खाना खुवायौ
ताकि छोरो भोकायर रोंला,झगड़ा गर्ला भनी!!

आफूले लगायौ फाटेका गुन्यो,चोली,पटुकी
ताकि मेरो लागी कपडा हरु किन्नू पर्छ भनी!
आफूले नपढे पनि मलाई दुःख गरि पढ़ायौ
मेरो छोरो ज्ञानी मानिस बनोस भनी!!

म रुदा आमाँ तिमि पनि संग-संगै रोयौ
ताकि मेरो बाबु ख़ुशीले हाँसोस भनी!
आज तिमि रुदा यक्लै भयौ,भैन संगै रुनलाई
नरुनु आमाँ आउछु म आर्को साल तिम्रो आँसू पुच्छन् लाई!!

बिदेशीको पिडा
एक तोला होइन दश तोला सुन किन्नु आमा ।
पाँच लाखको होइन पचास लाखको घर किन्नु बाबा ।
बिदेशमा छु म ।
मैले केही खानु लाउनु पर्दैन ।
जति पनि पैसाको माग गरे हुन्छ
मैले तलब पाउनलाई महिना मर्नु पर्दैन ।
किनकि बिदेशमा छु म
यहा डलर मै छाप्ने गर्छु !
पाँच हजारको होइन भाइ, दश हजारको जुत्ता लाउनु ।
आइ फोन मात्र किन किन्छौ दिदि ल्यापटप पनि किन्नु ।
बाइकको के माग किन गर्छौ दाइ पजेरो नै किन्नु ।
यहा कत्ति दुख छैन
रातमा जागा बस्नु पनि पर्दैन ।
पलपल गन्दै कहिले महिना बित्छ भन्नु पनिपर्दैन ।
किनकि बिदेशमा छु म
यहा डलर मै छाप्ने गर्छु ।।
आठ हजारको कुर्ता होइन बहिनि बिस हजार कै किन्नु ।
म आफ्नो देश र घर फर्किनु पर्दैन ।
मेरो उमेर र समयले कहिल्यै मेरो साथ छोडदैन ।
त्यसैले मेरो पीरै लिनु पर्दैन ।
किनकी बिदेशमा छु म ।
मैले केही खानु लाउनु पर्दैन ।
जति पनि पैसाको माग गरे हुन्छ मैले तलब पाउनलाई महिना मर्नु पर्दैन ।
किनकि बिदेशमा छु म ।
यहा डलर मै छाप्ने गर्छु ।।

कोल्टो फेर्दै
चिसोले धकेल्दै धकेल्दै लगेर
समुन्द्रको छेउ किनार सम्म
बस्छु कोल्टो फेर्दै फेर्दै
अन्धकार अधेरिमा
टोलिएका पिल पिल
आखाहरुले
अध्यारोलाई चिर्दै
अघि बड्न त खोज्छन
आशाको सानो त्याद्रोमा
अल्झिएर
अह!
कसैको आगममन भने भएन
फेरि अर्को कोल्टो फेरेर
अधा लग लग कापिएको
शरिरलाई
दिनको मधुर तापले तातेर
शितलरुपि विश्राम लिन
लागेको
लमतन्न पसारिएको त्यो बालुवा
खै के नाम दिउ?
सिंह दरबार अनि बालुवाटार पो
हो कि?
त्यो एकात्मकवादी कुख्यात
सुनामिले खडा गरेको
बालुवाटारको बालुवा पो
रहेछ।
न्यानो त थियो र त म भुसुक्कै
निदाएछु।
निन्द्रा बाट बिउझिन्दा त
मेरो तागेबा र सरदक्पा त छताछुल्ल
पो बनाइए को रहेछ।
अनि म लाटो रिसले
फन फनि घुम्छु
अनि म बल्ल लिम्बुवान खोज्छु
लिने प्रण गर्छु।
माग्छु
नदिए खोस्छु
मर्न र मार्न पनि पछि पर्दिन
म पुरै होसमा आउछु।
छक्क पर्छु।
जय लिम्बुवान!!!
सपना र बिपनाको कोक्तेल
आधा गिलासमा.,,....

मेरो सरकार
कठथ्याँग्रिदो जाडोमा,
बरपाक र सिरहाहरु,
जाडो थेग्ने
एकथान कम्मल माग्दा,
सन्दुकमा
भोटे ताल्चा ठोकेर
एकथान
प्रतिबेदन बाढीरहन्छ|
मदेश र जुम्लाहरु,
अभाव र महामारी थेगेर,
समानताका आवाजहरु उठाउदा,
मेरो सरकार,
आरक्षण रुपी चकलेट बाढेर
रुन्चे नानी थमथाम झैँ
थमथामाई रहन्छ|
मेरो देश
बहिर्याहरुको चेपुवामा
अचानो बनिरहदा,
मेरो सरकार
सिल्ली र महासिल्लीहरुको
महायुद्धमा दर्शक बनेर,
स्वस्तिपाठ गरि रहन्छ|

उर्लिएका मनहरु
उल्लाश र उमंगमा,
उर्लिएका ति दुई मनहरु !
दाम्पत्य जीवनको सुरवात संगै,
सबै कुरा एका एक परिवर्तन हुन्छन!
कसैका सलक्क बडछन ति सम्बन्धहरु ,
अनि फूल छन्, अनि फल्छन !
रातपछिका बिहानिहरुले,
उनीहरुको जीवनलाई,
एक सून्दर निरन्तरता दिईरहेको हुन्छ !
उनीहरु बेलुका सुते पछी,
बिहान फेरी उठ्ने निश्चित छ !
तर धेरैका ! अझ धेरैका !
ति रातहरु बिलाएर, बिहानी हुन नपाउँदै,
पिडा र दर्दका परिवर्तनहरु सुरु हुन्छन !
अनि...!
उसले उनिमा श्रीमती पाउन छोडछन्,
उनिने उसमा श्रीमान देख्न छाड्छिन!
लामो त्यो औंसीको रात पछी,
बिहानीको उदय हुँदै हुँदैन!
बस!
ति सुनौला कल्पनाहरुको सिरानी भिजाई,
उनीहरु रातभर अस्ताई रहन्छन,
यस्ता धेरै जीवित जीवनहरु !

<<  <    4 5 6 7 8 [9] 10 11 12 13 14    >  >> 


 


बुद्धको प्रतिमा अनावरण कार्यक्रम भव्य रुपमा सम्पन्न


नेपाली बुद्धको प्रतिमाको प्रसंशा गर्दे विदेशी बौद्ध धर्मावलम्बीहरु












सर्वाधिकार नेपालीकोरिया डटकममा सुरक्षित छ । नेपालीकोरिया डटकममा प्रकाशित सामाग्रीहरु साभार गर्दा स्रोत खुलाई दिनु होला । स्रोत नखुलाई साभार नगरी दिनु होला । धन्यबाद हाम्रो ईमेल ठेगाना : nk@nepalikorea.com,nepalikorea@gmail.com