धतूरे जिन्दगी

दिनभर हावामा महल ठड्यायो
ओबामा देखि ओली सम्मको गफ लडायो
न त चिन्ता छ भोलीको कुनै
न नै मान्छ राम्रो कुरा सुन्नै,
मनमा लोभ र जागर शुन्य अल्छी
घाम देखे घामै राम्रो जून देखे जूनै
हैट, धतूरे जिन्दगी!

आफुलाई डन भनेर गर्छ घमन्ड
ज्यान हेर्यो फिलिली सुकेको पात झै,
मुखले घामको राप ओकल्ने
अनुहार अन्धकार औसीको रात झै
कुरा गर्छ दशौ गर्धन छिनाको
दिमाग चै भुत्ते धार बिनाको।
हैट, धतूरे जिन्दगी!

पार्क अनि गल्ली सबैमा यिनको राज
एक स्वाट धूवाँ भए यिनलाई मोज र भोज
निदाएको हो कि मातेको आफैलाई थाह छैन
जिन्दगी जाकियोस भडखालोमा बाल मतलब भएन
कन्तबिजोग देखाएर यिनको, चन्डालहरू पैसा फलाउछन
सहानुभुतीको खेती गर्दै आफ्नो सस्था चलाउछन।
हैट, धतूरे जिन्दगी!
हाम्रो होंगकोंगमा।

नायकको आत्मालाप
बिस्तारै- बिस्तारै
फेरिदियो समयले-मेरो लिङ्ग
र म भएँ -तेस्रोलिङ्गी !
आजकाल
मेरो आँसु पुछिदिने रुमाल पैला गएको छ,
मेरो जाडो छेक्ने बाहुला बहुलाएको छ,
मेरो इँजार
अर्कै नयाँबस्तीको खोजिमा हराएको छ,
मेरो गन्धे जुत्ताको तुना
मलाई नै अल्झाउँदै कोच्न खोजिरहन्छ-
अन्धकार ट्वाइलेटको पाइपभित्र !
रगतमा नाँच्ने
मेरा मित्र उपियाँहरु
मेरै बिरोधमा आगो पकाउँदै उफ्रीरहन्छन् ;
पसीनाको छातीमा टेकेर
बनेको पसिनाकै महलमा
पसिना र आँसुको व्यापार गरिरहेछन्-
मेरा भ्रस्ट-दुस्टहरु !
अनि
इस्ट जुम्राहरु बस्दैनन्-
मेरो टाउकोको जंगलमा मिटिङ
र बनाउँदैनन् योजना-रुख काटेर घर बनाउने !
पुरानो जंगलका
बाघ-भालुहरु मलाई चपाउन चाहँदैनन्,
कुकुर मदेखी डराउँदैन र मलाई भुक्दैन पनि ,
बिरालो पनि
मलाई खोज्दै आउँदैन-सुरुङतिर !
आजकाल
आफ्नै सपनाका बच्चाहरुले
सर्लक्कै निल्न खोजिरहेछन् मलाई-
जसरी माकुराको बच्चाले आमालाई निल्दछन्!
म बिल्कुल नाङ्गो छु,
मेरो अंग-प्रत्यङ्ग खोक्रीएको छ,
मेरो ओठ,आँखा,कान र मस्तिष्क स्तब्ध छन्,
आगो धड्किने मेरो मुटु मक्किएको छ,
र यी पाईलाहरुको गतिमा अल्पबिराम लागेको छ,
बरु,
गतिशिल भएर हिँड्न थालेको छ-
बेहुली झै हिजो सृङ्गारिएर म पसेको यो- भूतघर !
हिजो-
शिखरमा मैले झण्डा फहराउँदा
बिजयको जुलुस निकाल्ने इतिहाँसका
प्रत्येक पन्नाहरुले आज मलाई नै गिज्याईरहन्छन् !
के भएर
यति कम्जोर भएँ म?-यो यूगको नायक;
बस !
लिङ्ग बद्लिदैमा यस्तो हुन्छ र ?

देश भक्तिको एउटा सिंगो माला गाँस्नु छ
संघियताको फूलबारीमा
सहिदका सपनाहरु
फक्रनु छ ।
अटल, अमर तिम्रो नाममा
सप्तरंगी सम्बृद्धिका शिखरहरु
ढकमक्क फूलाउन
देश भक्तिको एउटा सिंगो
माला गाँस्नु छ ।
गाउँ बस्तिमा
मानबताको बेर्ना रोप्न
मुटु भित्र
खोस्रीदै ती नरभक्ष
मिसाइलका चिहानहरु पन्छाएर
बगैंचाको नक्सा कोर्नु छ ।
संघी र सम्धिको भेषमा
बैरीहरु
मसान जगाउँन
ढोल बोकेर
बगैंचामा छिर्दा
फिलिङ्गोको झिल्का सँगै जले पनि
तिम्रो नसा नसामा
कुदेका पवित्र
जल छर्किएर
पारि गाउँको दुष्ट जोगीलाई
आज फेरी
अलिकति
सद्धभाबको
खरानी धस्नु छ ।
देश भक्तिको
एउटा सिंगो माला गाँस्नु छ ।

नाथे मन
आज टुन्न रक्सी पिउन मन छ
उहिल्यै देउताले पनि पिउँथे रे
देउताले त पिएको चिज मैले किन पिउनु नहुने
रक्सी पिएपछि रमाइलो हुन्छ रे
मन दह्रो हुन्छ रे
संसारै जितिन्छ रे
मलाई मेरै मनले
मेरै रहरले मेरै सपनाले
मेरै महत्वकांक्षाले कम्ता सताएको छैन
मान्छेले कत्रो पहाडलाई मैदान बनाइसके
समुद्र सुकाएर शहर बनाइसके
कत्राकत्रा भयानक युद्ध जितिसके
म यही नाथे मनसँग बर्षौंदेखि हारेकोहार्‍यै छु
रक्सी पिएपछि खुब आँट आउँछ रे
जित्छु कि तै
कोही छ साथ दिने
आज टुन्न रक्सी पिउन मन छ
उदेक लाग्छ
किन बुरुकबुरुक उफ्रिरहन्छ मन
के यो बाख्राको चुल्बुले पाठोजस्तै हुन्छ
कि मृगको चञ्चले शावकजस्तो हुन्छ
कि टाउको गिंडेर पुजारीले फालेको कुखुरोजस्तै हुन्छ
फेरि यहि नाथे मन
थोरै तलमाथि भयो कि चरक्क चर्किन्छ
के यो साँच्चै शीशाजस्तै हुन्छ
कि खडेरीको खेतजस्तै हुन्छ
कि दूधे बालक माइतीको जिम्मा छोडेर
परदेशिएकी आमाको गानिएको स्तनजस्तै हुन्छ
कस्तो हुन्छ मनको आकार प्रकार र रङ
अखबारमा खोज्छु परिभाषा
भेटिन्छ्न् शब्दका झन तीखा भालाहरु
-रोजगारीको लागि मलेसिया गएका युवाहरुको बिचल्ली
-बाह्र बर्षीया बालिकाको सामूहिक बलात्कारपछि हत्या
-आफ्नै छोराद्वारा बाबुमाथि बञ्चरो प्रहार
-सात भूकम्पपीडितको कठाङ्ग्रीएर मृत्यु
-सीमाक्षेत्र तनावग्रस्त
-करोडौं भ्रष्टाचारका अभियुक्तलाई आममाफी
-प्रधानमन्त्री निवासमा भव्य भोजको आयोजना
यो नाथे मन
किन उकुसमुकुस हुन्छ
किन फत्रकफत्रक हुन्छ
किन बौलाउँछ यस्तरी
दुनियाँ चलेकै छ त किन बुझ्दैन यो
रक्सी पिएपछि बुझ्छ कि तै
कोही छ साथ दिने
आज टुन्न रक्सी पिउन मन छ
कल्पिन्छु
घुँडाको घाउ होला मन
र त यत्ति अफ्ठ्यारो छ
माझी डुबेको रित्तो नाउ होला मन
र त तरङ्गले जता लान्छ उतै जान्छ
काँडाहरुको बीचमा
शीतको आँशु टप्काएर गुलाफ
मुस्कुराइरहन सक्छ सुन्दरता
करोडौं बेदना निलेर धरती
थापिरहन सक्छिन् स्नेही छाती
हो त्यस्तै बनाउनु छ मन
कोही छ साथ दिने
आज टुन्न रक्सी पिउन मन छ

नदेउ शुभकामना र शुभेक्क्षाहरु
नदेउ कसैले शुभकामना र सुभेक्छाहरु
नदेउ कसैले आशीस र आशाहरु
आउछन जान्छन बसन्त र शिशिर बर्षै पिच्छे
चाडबाड र नयाँ बर्षहरु
युगौ देखि
शदियौ देखि
अनि मैले जिएको दशकौ देखि
यस्ता चाडबाड र नयाँ बर्षहरु
आएका छन र गएका छन,……………
उहिल्यै देखि थापी आएकी छु,
सिरोपर गरि जीएकी छु
बाजे बराजु र बुजुर्गका आशीस र शुभकामना,
आशै आशमा जेलिएका मिठा शब्दका उपहारहरु
सुनिरहू जस्तो,
ज्ञानी हुनु
बुद्धिमानी हुनु
कसैको अगाडी झुक्न नपरोस
नुहाउदा केस नझरोस
हिड्दा ठेस नलागोस
धन सम्पतीले भण्डार भरियोस
कसैले कुभलो नचिताओस……………क्रमश:
आज यतिका दिन सम्म यी आशिसका अनुभुती गर्न सकिन ,
जब मैले हलो कोदालो छोईन,
अन्न फलेन
जब मैले कुर्कुच्चा फुटाई लेक बेंसी गरिन,
नुन तेल पाईन
जब अँध्यारो भनी पानी पँधेरो गरिन,
तिर्खा मेटिएन
जब अर्म पर्म गरिन,
आफन्त र समाज पाईन
जब भकारो सोहोरी ,मल बोकिन,
माटो मलिन भएन,……
त्यसैले,
समयले बाँच्न सिकाउछ,
आवस्यक्ताले कर्मशिल बनाउछ
साहसले बिजयी बनाउछ
आफुले आफुलाई बनाउने हो
न कि आशिस र शुभेच्छाले भनेर
उ बेला हाम्रा बुजुर्गले हाम्लाई सिकाएको भए
आज अस्ति नै भई सक्थ्यो
यो बर्ष दशक पहिले ……

<<  <    3 4 5 6 7 [8] 9 10 11 12 13    >  >> 


 


बुद्धको प्रतिमा अनावरण कार्यक्रम भव्य रुपमा सम्पन्न


नेपाली बुद्धको प्रतिमाको प्रसंशा गर्दे विदेशी बौद्ध धर्मावलम्बीहरु












सर्वाधिकार नेपालीकोरिया डटकममा सुरक्षित छ । नेपालीकोरिया डटकममा प्रकाशित सामाग्रीहरु साभार गर्दा स्रोत खुलाई दिनु होला । स्रोत नखुलाई साभार नगरी दिनु होला । धन्यबाद हाम्रो ईमेल ठेगाना : nk@nepalikorea.com,nepalikorea@gmail.com