चोकमा हल्ला छ
चोकमा
बेतोडको हल्ला छ-
लाग्छ,
त्यहाँ कुनै ईश्वर वा ईश्वरको मुर्तिको आविस्कार हुदैछ !

"ईश्वर
आफैमा भ्रम होइन"
नभन्नेहरु पनि कम भेटिदैनन्-चोकमा ।

चोकको
परिधिभन्दा बाहिरपटिको
च्यातिएको प्वालबाट प्रष्ट देख्न सकिन्छ-
बिग्रेको साईकल घण्टी बजाउदैँ आउँछ,
बिग्रेको टरक हर्न लगाउदै नाँच्छ,

बिग्रेको माइक
केके-केके भनेर चिच्याएर जान्छ !

सबै टाईसुट लाउनेहरु
कुकुर हुँदैनन्, न त गोरु नै हुन्छन् ;
हल्लाको संगित यसरी गुन्जिन्छ-
मानौ त्यहाँ फेरि बेतोडको उत्सव हुँदैछ ।
जाँडको मातहरुले
साथ दिएकै छन्-नाँचेर ,
मन्द बातासहरु उफ्रेकै छन-शिरशिर गित गाउँदै,
झन् उकासेकै छन् -दृस्टिबिहिन तालीहरुले !

यसरी नै यो चोक बर्सौदेखी निदाउन सकेको छैन ।

फेरि समयको जाँतोले
उहीँ पहिलेकै समय फर्काउछ-
च्यातिएको छाला ओढेर
तीन महिना मज्जाले जोतेको गोरुले
पाउँछ-मालाको भारी,
ताली-परर..र ,सायद आज गोरु तिहार हो !

टाईसुट लगाएर
बर्शैभरी मालिकको चाकरी गर्ने
कहिलेकाहिँ मालिकको मुखमा समेत चुम्बन भ्याईसकेको कुकुरले पनि पाउँछ- उस्तै मालाको भारी,
बल्छ-झिलिमिली यो चोक,
सायद आज कुकुरतिहार हो !

तर
बर्सैभरी नांगो छालाको पिठ्यूले
भारी बोकिरहने गधाले पाउदैन- मालाको भारी,
र कहिले आउदैन-गधा तिहार पनि !

गाईजात्रा देखाईरहने
यो चोकको हल्लाको बारेमा
ज्ञानगुनका धेरै सुन्तला खाएर
कुप्रीएका बुढाहरु भन्छन्-" डराउनुपर्दैन,यी हल्लाहरुले
भुईचालो ल्याउँदैनन् !"

संघर्षका डोबहरु
एसो अनलाईन के बसेथे
पुलुक्क तिम्लाई च्याउदा
निल्थोप्लामा देखियौ
इन्स्टग्राम अपडेट बनी झुल्कियौ
सोचे मैलेपनि यहि हो मौका
कोशिपुल झै लस्करिलो
सम्झानाका तरेलिहरु
यसै माध्यमबाट ब्यक्त गरु
तर एकसब्द के एसो लेख्न लागेथे
सम्प्रेषित गर्ने मनका भाबहरु
सुटुक्कै पत्तो पायौ क्यार
चारकोसे झाडि फोर्दै
चारभन्ज्याङ पारै गर्यौ
एकै सासको अन्तरमा
साझ झै झमक्कै ढल्किगयौ
आक्रान्तित भईगयौ
भो भैगो त्यसरी
तुफानिलो सुईकुच्चा लाउनुपर्दैन
मेरा मनका अन्कुरहरु
हिमनदिझै हामफालेनी
सम्यम भै बगुला
रित्तिएको परिभाषा गरेपनी
झुसीनिम्ठो टाढै राखी
चुली बनुला
तिम्रो खातिर हुईकिदैका
संघर्षका डोबहरु
पुर्दै जाउला
सम्झनाका बाणहरु
भो भैगो यसरि
कुनै एककुनामा
चाङ लगाउला

एक दिन (गजल)
दू:खको जीवन कर्मले सप्रिन्छ एक दिन l
पसिना बनेर कोपीला फक्रिन्छ एक दिन ll

सम्पती ओईरो लाग्दैमा,घमण्ड गर्छ मान्छे,
सुरिलो रुख नि! फलेर लत्रिन्छ एक दिन ll

उपियाँ बनेर हिड्छ जो, सफल बनि आफु,
संसारै पछाडी लागेर घस्रिन्छ एक दिन ll

धिक्कार्दै पुर्पुरो रोएर,भाग्य त्यो बदलिन्न
समय र दिन सबैको तग्रीन्छ एक दिन ll

अर्काको लुटेर खान्छ जो, रुवाई धर धरी,
आफैले खनेको खाल्टोमा बज्रिन्छ एक दिन ll

म मरेकाे दिन
रित्तो बगरकाे काँश झैँ,
शिरकाे कपाल फुलेकि मेरि अामा
कुप्राे ढाड र रुग्न शरीर घिसार्दै,
गाई भैँसिकाे गाेबर साेहाेर्दा
फाटेका पैताला चहराई रहेपनि,
मलाई नै सम्झिरहेकि हुनेछिन
सायद,
म मरेकाे दिन ।
म झरिसकेकाे खबर सुनाउन
जब,
माेबाइल अाफ्नाे चीत्कार सुनाउला
खेतका पाटा खनिरहेका मेरा बा,
हत्तपत्त हरियाे बटन थिच्लान्
साेच्लान म कुनै सपनामा छु ।
शुरुमा सन्देश सुन्नेछैनन्
सुनेर साँचाे मान्ने छैनन्
जब,
बाेलिरहेकाे काेहि बिश्वास दिलाउला,
अाफुलाई धेरै समयपछि हिलाेमा
लम्पसार पाउनेछन्
सायद,
म मरेकाे दिन ।
सिन्दुर पुछिएकाे भन्दा बढि,
जब,
पिडाले मस्तिष्क थिच्नेछ,
मेरा दिदिबहिनी छट्पटिदै, मुर्छिदै
डाकाे सुकुन्जेल कराएर
मेराे नाम जप्दै भगवानसँग
मेराे प्राण,
भिख मागिरहेका हुनेछन्
सायद,
म मरेकाे दिन ।
एक कान, दुई कान, मैदान हुँदै
जब,
साथिसँगि थाह पाउलान
काल अाफ्नै नजिक अाएझैँ
झस्किई अाेठ, मुख सुकाउदै
उद्दिग्न र निरास बन्दै
एकछिन जिवनका लक्ष्य थन्क्याएर
मलाई झल्झलि सम्झेलान्
सायद,
म मरेकाे दिन ।
माया गर्ने मेरि प्रेमिका
हाेस पाउदै, हाेस गुमाउँदै
सँसार धिप्प अँध्यारिएझैँ
चुरा बिनाका हात अनि
सिन्दुर बिनाकाे टाउको पछार्दै
बिलाप गरि
सास छाेड्लिन जस्तो गर्नेछिन
सायद,
म मरेकाे दिन ।
मेरा दुश्मन खुच्चिङ भन्दै
मेराे घरकाे बाटो
अाेहाेरदाेहाेर गर्लान,
अाफ्नाहरु अाउन नभ्याउलान
पराइले नै काँध लाउलान्
ब्राह्मण शँख फुक्लान
बाटोभरि मन्त्र पढ्दै,
अलिकति कमाएको धन छर्लान
अनि गाउँकाे पुछारबाट अाेरालि लाग्लान सबै,
जब,
जलेर देह मेराे चितामा
खरानी पनि बाँकी नहाेला,
छाेडि मलाई मसानघाटमै
मलामिहरु घर अाउँदा,
मेरा मित्र, अाफन्त, दुश्मनहरु सबै,
फर्केर अघिकाे चिता सम्झदै
"मान्छे वास्तवमा राम्रो थियाे"
जरुर भन्नेछन्
सायद,
म मरेकाे दिन ।।।

ओ मायालु...
छर्केर अोठका ती लाली रङ्ग
सजाएर ईन्द्रधनुषी सपनाहरु
स्वच्छन्दताको निलो आकाशमुनि
सदाबहार हरियाली बसन्त डाक्ने
तिमी मेरो प्यारो मान्छे
हिऊद यामको चिसो सिरेटो पनि
तिम्रो सामिप्यताको एक आभाषमा नै
बाफ बनि उड्छ प्रिय
अनि सुन न
ग्रीष्म ऋतुको उखर्माउलो घाममा पनि
तिम्रा ती गुलाबी ओठमा
न'ओईलाई फक्रेको देख्छु
मेरा स साना खुशीहरु
हाना नदिको कसम
विश्वास गर
तिम्रो लाली ओठ चुमेर
तिम्रै सिऊदो भर्न चाहान्छु
केबल तिम्रो सौभाग्य बनेर
उत्साहको होली रंग भर्न चाहान्छु

<<  <    2 3 4 5 6 [7] 8 9 10 11 12    >  >> 


 


नायक दयाहाङलाई रिमुजीन र रेड कार्पेटमा स्वागत, कान्छी फिल्म भने अव्यवस्थित


कोरियामा बुद्धको प्रतिमा स्थापना अभियान सफलताको अन्तिम चरणमा












सर्वाधिकार नेपालीकोरिया डटकममा सुरक्षित छ । नेपालीकोरिया डटकममा प्रकाशित सामाग्रीहरु साभार गर्दा स्रोत खुलाई दिनु होला । स्रोत नखुलाई साभार नगरी दिनु होला । धन्यबाद हाम्रो ईमेल ठेगाना : nk@nepalikorea.com,nepalikorea@gmail.com