बयरघारी छिचोल्दै जिन्दगी
ऊनी स्वेटर लगाएर बयरघारी छिचोलेजस्तो भो
जिन्दगी बुझ्न अब भाग्यरुपी निधारै खोतल्नु पर्नेभो

उसैगरी आउने सबलाई किन समान छैन
जन्मदैमा दोष कसैको हुने पनि होइन

ऊनी स्वेटर...

उही हावा उही जमिन पनि समान छैन
हावा विषालु कसैलाई त जमिन भास्सिने किन

ऊनी स्वेटर लगाएर बयरघारी छिचोलेजस्तो भो
जिन्दगी बुझ्न अब भाग्यरुपी निधारै खोतल्नु पर्ने भो ।।

" तिमी मै डुब्‍न देउ "
मनको निक्ष्चलतामा अडेर,
एकछिन मलाई तिमीलाई खोज्न देउ
भावना भरि तिमीलाई अंगालेर,
एकछिन मलाई तिमी मै डुब्‍न देउ ।।

गहिरो ,गहिरो भाव-गहिराईमा तिमी लुकाए
सक्छौ त लेउ, जीवन तिम्रो नाम गराए ।
तिमी नै हौ यो संसारमा, एकछिन भएपनि गहिरिन देउ ।
भावना भरि तिमी अंगालेर, एकछिन मलाई तिमीमै डुब्‍न देउ ।।

प्रकृतिको काखमा नौलो जोवन पाए
मभित्र लुकेको बिछोड पिडा भुलाए
यादको पवनसरी झोक्‍काहरुमा, एकछिन भएपनि बास गर्न देउ
भावना भरि तिमी अंगालेर, एकछिन मलाई तिमीमै डुब्‍न देउ ।।

पुजा गरे तिमीलाई मायाको अबिरलले छोपेर ।
खोजी हिडे तिमीलार्ई मै मा मै नै हराएर ।
यो चाहानाको भुवंरीहरुमा, एकछिन भएपनि रोमल्लिन देउ ।
भावना भरि तिमी अंगालेर, एकछिन मलाई तिमीमै डुब्‍न देउ ।

तिमीसंग बोलुं बोलुं लागेको छ
मौसमका उधौली र उभौलीहरूसंगै
उकाली र ओराली गरी रहने यो मन
तिमीले निर्धक्क भएर
सबै सामु सत्य सत्य बोलेको देख्दा
मेरा पनि मनका कुरा खोलुं खोलुं लाग्छ
तिमीले बोलेजस्तै मीठो बोली
मलाई पनि बोलुं बोलुं लागेको छ

सोए ढोले सोए अर्को ढोले खोए भन्दै
ढोलकेहरुसंग हातमा झ्याम्टा लिएर
तिमीले चण्डि नाच नाचेको देख्दा
तिम्रो अघि पछि, अघि पछि हुंदै
जानि नजानि नाच्न मन लागेको छ
तिमीलाई नै सुम्पि दिनलाई भनेर
रंगिन फूलका थुंगा़हरू बटुलेर
सुन्दर माला गांसुं गासुं लागेको छ
कतै भुलिन्छ कि तिम्रो चेहरा भनेर
आंखाभित्रै तिमीलाई साचुं साचुं लागेको छ

तिम्रा र मेरा साथीहरूले भोगेको जस्तै
भ्यालेन्टाईन्स डेसम्म पर्खन नपरोस भनेर
आजै मनका कुरा खोलुं खोलुं लागेको छ
तिमी पर पर भाग्दै भाग्दै गए पनि
तिम्रो छेवैमा आएर
आजै तिमीसंग बोलुं बोलुं लागेको छ


<<  <    103 104 105 106 107 [108]    >  >> 


 


एकताले मात्र प्रवासी मजदुर अधिकार सुनिश्चित हुन्छ–एमटियु अध्यक्ष उदय राई


आधुनिक गायक कुसल थलङसंगको कुराकानी












सर्वाधिकार नेपालीकोरिया डटकममा सुरक्षित छ । नेपालीकोरिया डटकममा प्रकाशित सामाग्रीहरु साभार गर्दा स्रोत खुलाई दिनु होला । स्रोत नखुलाई साभार नगरी दिनु होला । धन्यबाद हाम्रो ईमेल ठेगाना : nk@nepalikorea.com,nepalikorea@gmail.com