'जसरी नि उ रित्तै थियो'
'जसरी नि उ रित्तै थियो'
उ,
सबेरै गएको थियो
छोरोलाई दूध
अनी श्रीमतीलाई औषधी लिन
जाँदा उ संग थियो
रित्तो खल्ती
तर भरिएको मन
बरा !
भरिएको मन्
र रित्तो खल्तीले
ख्याल आउँथ्यो र !
छोरालाई दूध
अनी श्रीमतीलाई औषधी

त्यसैले ,
दिनभरी उसले
भत्कायो आफ्नो मन्
उसोरी नै अर्काको मन्
मन भत्किए पछी भरियो खल्ती
साँझमा ,
उ फर्कियो
लिएर रित्तो मन्
अनी भरिएको खल्ती
तर
उसले बिर्सिएको थियो
ल्याउन छोरालाई दूध्
श्रीमतीलाई औषधी
बरा!
रित्तो मनले के सम्झिन्थ्यो ?
दूध र औषधी
बडो अचम्म्!
मन भरिदाँ नि उ रित्तै थियो
खल्ती भरिदाँ नि उ रित्तै थियो


बिना तामाङ्' सुनगाभा'
बुढानिलकण्ठ १ , काठमाण्डौ

तिमि आफ्नो चिन्ता गर
हे नजिकको मेरो आफन्त
हे !
मेरो नजिकको आफन्त
मेरा आफन्तहरुको पनि आफन्त
साईनोले आफन्त
रगतको नाता लाग्ने
कर्मको नाता लाग्ने
नन्द,आमाजू,देवार,देउरानी
भतिज ,भतिज्नी
आदि आदि
थुप्रै साईनोहरुमा
पर्ने अर्को साईनो
भान्जा या भान्जी पनि हुन सक्छौ तिमी
जे होस् तिमीलाई
सुभ आसिर्बाद छ
उतर उतर प्रगतिको कामना छ
म यसरीनै आफ्नो ठाउबाट
सम्बोधन गरिरहन्छु तिमी
लगायत अन्य सबैलाई
अनि अघि बढ्ने बाटो
खोज्छु ,संघर्ष गर्छु
बाच्नकै नीमित
सुभ,साझ
अरुको भाग खोस्न मेरो
स्वाभिमानले कहिल्यै
नदिएर होला
म धेरै माथि पुग्न सकिन
मागेर पनि खान नसकेर
होला कति भोक भोकै बसेकोछु
तर
आज थाहा पाए
आफन्तले दिएको
धोका अनि पिडा
कति नमिठो हुँदोरैछ भनेर
तिमी मेरो आफन्त
टाढा बसेर मेरो खैरो
खन्दैछौ रे
भन्छौ रे म अयोग्य छु
अनपढ छु महा मुर्ख छु
काम गर्ने तरिका छैन
तिम्रो सामु पुग्न
अझ धेरै कुरो सिक्नु पर्छ
धेरै तालिमहरु गर्नु पर्छ
अनि
यसो पनि भन्छौ रे
म हिड्ने जम्मै बाटोहरु
बन्द गर्नु पर्छ
समाजमा आउन दिनु हुन्
भन्दै भित्र भित्र गोप्य
बैठक गर्छौ रे
अनि म भनेर देखिने
मेरो नामहरु मेटाउदै छौ रे
दुलोहरु बुच्याउदै छौ रे
हो .....मैले देखे
हिजो मात्र एउटा दुलो
बुच्याई सकेछौ
त्यहाबाट मेरो नाम मेटाई सकेछौ
तेस्को लागि हार्दिक धन्याबाद
तर
तिमीले मलाई मुसा ठानेको रैछौ
तेसैले त म हिड्ने साना साना
दुलोहरु बुच्याउन मै व्यस्त हुँदैछौ अचेल

अर्को दुलोबाट सडकमा
निस्किसकेको छु
हेर मेरा अघि तेस्ता सयौ
दुलोहरु छन् निस्कनलाई
हजारौ बाटोहरु छन्
अघि बढ्नलाई
चिन्ता नगर तिमी
मेरो भबिस्यको
मेरो जीवन रहुन्जेल
लाई विधाताले कसरी
लान्छ कति दुख,शुख मेरो
भागमा छुट्याएको छ
र कुन कुन बेला ति मलाई
भोग्ने अनुमति दिन्छ
त्यो मेरो जन्म कुण्डलीमा
पहिल्येनै लेखिएको छ
बरु सक्छौ भने प्रिय आफन्त
तिमि आफ्नो चिन्ता गर |

जानु काम्बाङ लिङदेन
१० भदौ २०७२ यूके

प्रवासी जीवन
हवाइ जहाज चढी
आकास माथी माथि बाट उडेर
सयौ खोला,
सयौ पुल
सयौ डाडाँ काटेर
यो आफन्त हराएको परदेशी भुमिमा बसें पनि
मन भने उही मेरी आमाले सिगारेको घर
उही मेरा बुबाले कर्म गरेको थलो
उही मेरा दाइले पसिना बगाएको बारी

तिनै मेरा दिदि बैनिले घाँस गोबर गरेको थलो मै छ l
यहाँ त छ केबल हावा भरेको बेलुन जस्तो खोक्रो जीबन
निर्जीव मुर्ति सजिएर प्रदर्शनको निम्ति सिसामा राखिएको जीवन
सायद त्यसैले
एक मुठ्ठी स्वास फेर्न पनि सय पल्ट मर्नु पर्ने
एक पल बाँच्न पनि हजार पल्ट मर्नु पर्ने
आशुँ बगाएर गंगा नुहाउनु पर्ने
पाप गरेर पुण्य कमाउनु पर्ने
यो कस्तो सुन्य जीबन………
आफन्तलाई सम्झिएर अनिदा आखाँहरुले सपना देख्नु पर्ने
यो कस्तोबाध्यता ………
सायद यहि नै होला प्रबासी हुनुको सजाय
प्रवाशी हुनुको बास्तबिक अर्थ

बसन्तको रात
प्रकृतिमा नाङ्गिएर उभिएका कंकाल रुखहरु
डाली डालीमा मुना पलाउदै छन
आँगनीमा राखिएको निर्जीव गमला
छाती भरी पुरानै बिरुवा उमार्न अभ्यस्त छिन
पश्चिम भएर बहने पवन हिजो आज
पूर्वतिर बाट भएको प्रतिती हुन्छ
फगत एउटा मेरो मन अनकन्टारमा त्यतै कतै छट्पटी रहेछ
माया फुलाउन नसकेर
बिश्वास चुलाउन नसकेर
सायद,
मधुरो प्रेमको प्रतिबिम्ब भुलाउन नसकेर
आँशुका आहालमा छट्पटी रहेछ
यो मन ………
आत्मा पनि निस्सार रित्तो रित्तो भएको छ
मन्दिरको देउता हराए जस्तो,
एकतमासले अत्यासको घण्टा बारबार बजिरहेछ
टंग………टंग………टंग………
दुरदुर सम्म मनको आवाज गुन्जयमान छन
सुस्त सुस्त उतै पो हराएर जान्छ
फर्की आउन्न फेरी
बन्द खाममा प्रियसीको शन्देश
फर्की आउन्न फेरी
हिक्क,हिक्क बाडुल्कि पनि
सायद बिर्सिएछ क्यार
सायद समयले कोल्टे फेरेछ क्यार
म पो मृत सागर जस्तो उत्तानो परेर नाङ्गो आकाश लियाली रहेछु ……
एउटा आँखै डिल बाट हराएको आकृति खोज्दै
काल्पनिक पिरामिड ठड्याएर
याद,सम्झना,अतित ताजा राख्न तल्लिन छु
यदाकदा,
आँशुका आहालमा अझै पनि छट्पटी रहेछ,
यो मन………
हतासिएको हृदयलाई
थुम्थुम्यौदै आफैले ढाडस दिन्छु
हो,
गल्ति मेरै थियो,
सत प्रतिसत गल्ती मेरै थियो
ढुंगा माथी प्रित बर्षाएर
भित्रै सम्म रुझ्यो होला सम्झनु गल्ति मेरै थियो
अस्मिता अर्पण गरेर
अश्रु धारा तर्पण गरेर
बिश्वासको पुष्प गुच्छा चढाउनु
गल्ति मेरै थियो,
बगरको होस कि शिखर टुप्पाको
चिल्लो होस कि कुँदिएको
आखिर ढुंगा केवल ढुंगा नै हुन्छ
फगत आफ्नै मनलाई अन्धाकारमा राख्नु गल्ति मेरै थियो
गल्ति मेरै थियो………

तिम्रो नामसंग मेरो नाम जोडिदा (मुक्तक)
तिम्रो नामसंग मेरो नाम जोडिदा सबै सामु परिचित छु
फूल भै फुल्दा तिम्ले काँडा भै रक्षा गर्यौ अनि सुवाषित छु
जोडी त उस्ले बनाउदो रै' छ चाहेर पनि छुटिन्न त्यसैले
आज मेरो पहरा बन्यौ म लहरा भै तिमीमा समाहित छु
2.
गल्ति नभए पनि शिर झुकाउँनु पर्ने गरिबको जिन्दगी
बिना मोल आँखामा आँशु सुकाउँनु पर्ने गरिबको जिन्दगी
संबेदना त उस्तैछ नि तर मानबता हराएको संसारमा
पलपल अरुको हेपाईले दुखाउँनु पर्ने गरिबको जिन्दगी
3.
प्रकृति बिम्बमा प्रेम मिसाई माला उन्ने गीतकार हुँ म
संसारको यथार्थ परिवेशलाई लेखि दिने कथाकार हुँ म
समग्रमा हजुरहरुलाई आफ्नो परिचय दिनु पर्दा मैले
देश अनि समाजको सेवा गर्ने एउटा साहित्यकार हुँ म
4.
फेरी पनि जन्मि देउ न नेपालमा बुद्ध तिमी
अनि मात्र रोक्न सक्छौ बिश्वको युद्ध तिमी
हाम्रो शान हौ हाम्रो मान हौ भारतको होईनौ
भक्तछन संसारमा तर नेपाली हौ शुद्ध तिमी
5.
तिमीसंग बिताएका पल फर्किएर हेर्न मन लाग्छ
अनि ति प्रितका कुरा कापी भरी केर्न मन लाग्छ
यो जुनीमा त तिमीलाई आफ्नो बनाउन पाईन
तर सम्झना मै भए पनि अंगालोमा बेर्न मन लाग्छ
6.
महान मान्छे बन्छौ भने, गरिब दु:खिसंग बाँच्न सिक
तिन्को पिडासंगै निस्केको, अलिकति हाँसोमा हाँस्न सिक
धन सम्पति भएर मात्र, महान मान्छे हुदैनौ पक्कै तिमी
त्यसैले जो छ निरिह तिनीहरुसंग, सँधै प्रिती गाँस्न सिक
7.
धन सम्पती भन्दा पनि धेरै नाम कमाउ
त्यो नामले शिखर चुम्दा धेरै धेरै रमाउ
साहित्यमा कलम चलाई समाज सेवा गर्दै
हर मानिसको ढुकढुकीमा बस्ने ठाउँ बनाउ
8.
एक्लो एक्लो भए म यो मनमोहक शुन्दर प्रकृतिमा
भावविह्वल बनि जिउँदैछु प्रिये तिम्रो अनुपस्थितिमा
सायद जुनतारा बनेर मलाई हेर्दैछौ होला अदृस्य भै
तर भुल्ने छैन तिमीलाई अमर रहनेछौ मेरो स्मृतिमा
9.
आँखाभरी तिमीलाई सजाउँन पनि सकिन
आँशु बनाई तिमीलाई बगाउँन पनि सकिन
आयौ मेरो जिन्दगीमा केहि छिनकोलागी
सपना सम्झि तिमीलाई भुलाउँन पनि सकिन
10.
त्यो शान्त सागरको बेग , हेर्नु पर्छ किनारमा
मान्छे को कस्तो भन्ने , थाहा हुन्छ बिचारमा
तर आजकल कसैले , तपाई भनोस नभनोस
आफै मपाई भन्नेको भिड , धेरै रै'छ संसारमा

<<  <    5 6 7 8 9 [10] 11 12 13 14 15    >  >> 


 


एकताले मात्र प्रवासी मजदुर अधिकार सुनिश्चित हुन्छ–एमटियु अध्यक्ष उदय राई


आधुनिक गायक कुसल थलङसंगको कुराकानी












सर्वाधिकार नेपालीकोरिया डटकममा सुरक्षित छ । नेपालीकोरिया डटकममा प्रकाशित सामाग्रीहरु साभार गर्दा स्रोत खुलाई दिनु होला । स्रोत नखुलाई साभार नगरी दिनु होला । धन्यबाद हाम्रो ईमेल ठेगाना : nk@nepalikorea.com,nepalikorea@gmail.com