रासस/सिन्ह्वा

जर्मनद्वारा शरणार्थी फिर्ता
[2017-08-06 오전 7:02:00]

जर्मनीले शरणार्थीहरुलाई इटालीतर्फ फिर्ता गर्न सुरु गरेको जर्मन पत्रिका नेउ ओस्नाब्रुकर जेइटुङले शुक्रबार लेखेको छ । शरणार्थीहरु फिर्ता पठाउने नीति सरकारले गत जुनमा नै बनाएको थियो । इटालीबाट आउने शरणार्थीहरुको सङ्ख्या बढ्दै गएपछि जर्मनीले शरणार्थीहरुलाई फिर्ता पठाउने नीति बनाएको पत्रिकाले उल्लेख गरेको छ ।

आवास सहितका आधारभूत शरण र सेवा सुविधा दिन नसक्ने भएको भन्दै जर्मन सरकारले सन् २०१४ देखि शरणार्थीहरुलाई इटाली फिर्ता गराउन छाडेको थियो । तर जर्मनीको यो कदमले शरणार्थीसम्बन्धी डबलिन नियमावलीको उल्लङ्घन गरेको छ । डबलिन नियमावलीमा शरणार्थी जुन देशमा प्रवेश गरेको हो त्यही शरण लिन पाउने व्यवस्था गरेको छ ।

स्ट्रासबर्गमा रहेको मानवअधिकार सम्बन्धी युरोपेली अदालतले डब्लिन मापदण्ड अनुसार युरोपेली सङ्घका अन्य सदस्य देशहरुले जस्तै शरणार्थीलाई पर्याप्त सेवा सुविधा दिनु पर्ने बारेमा निर्णय गरेको थियो ।

नवजात शिशु र साना बालबालिका सहितको परिवार अहिले सम्म पनि कतै जान पाएका छैनन् । बामपन्थी पार्टीका राजनीतिज्ञ उल्ला जेल्प्केले विस्थापित भएका बालबालिका सहितका परिवारलाई अमानवीय अवस्थामा राखिएको भन्दै आलोचना गर्नुभएको छ । इटालीको कानून अनुसार बालबालिका सहितका सवैलाई आधारभूत सेवा सुविधा उपलब्ध गराउन पनि उहाँले माग गर्नुभएको छ ।



Nick Name     
comment   




एकताले मात्र प्रवासी मजदुर अधिकार सुनिश्चित हुन्छ–एमटियु अध्यक्ष उदय राई


आधुनिक गायक कुसल थलङसंगको कुराकानी












सर्वाधिकार नेपालीकोरिया डटकममा सुरक्षित छ । नेपालीकोरिया डटकममा प्रकाशित सामाग्रीहरु साभार गर्दा स्रोत खुलाई दिनु होला । स्रोत नखुलाई साभार नगरी दिनु होला । धन्यबाद हाम्रो ईमेल ठेगाना : nk@nepalikorea.com,nepalikorea@gmail.com