|
 |
एनके संवाददाता 
|
 |
जेठ १४ गते संविधान जारी गर्न सकिने विकल्पबारे छलफल सुरु |
| [2010-03-08 오후 3:20:00] |
.jpg)
|
संविधान निर्माणका लागि बनेको संविधानसभाको मुख्य समितिले संविधान जारी गर्न सक्ने विकल्पका बारेमा छलफल सुरु गरेको छ । दलहरुको विवादका कारण जेठ १४ मा पूर्ण संविधान जारी गर्न सक्ने सम्भावना कम देखिएकाले त्यसको विकल्पमा छोटो संविधान जारी गर्ने या समय थप्न सकिने विषयमा छलफल सुरु भइसकेको छ ।
संवैधानिक समितिका सभापति निलाम्बर आचार्यले दलहरुको विवादले नवौं संसोधन अनुसार पनि काम हुन नसकेकाले समिति आफ्नो तर्फबाट प्रष्ट कुरा दलहरुलाई भन्ने पक्षमा रहेको बताउनुभयो । उहाँले समिति अहिले अबको समय अवधिभित्र गर्न सकिने र नसकिने कामको विषयमा छलफल रहेको र मंगलबार दलहरुसँग छलफल गरेपछि त्यसको केही हदसम्म छिनोफानो हुने बताउनुभयो ।
नवौं पटक संशोधित कार्यतालिका अनुसार नयाँ संविधानको एकीकृत मस्यौदा तयार गर्न नसकिएपछि कसरी अगाडि बढ्ने भन्ने बिषयमा समिति छलफलमा लागेको हो । संविधानसभा अध्यक्ष सुवास नेम्बाङले तोकिएको मितिभित्रै संविधान जारी गर्न दलहरुबीचको मतभिन्नता अन्त्य हुनुपर्नेमा जोड दिनुभएको छ ।
प्रेस चौतारी नेपालले आयोजना गरेको छलफलमा उहाँले संविधान लेखनको समय सिद्धिन लागेकाले दलहरुबीच सहमति भएमात्र तोकिएको समयमै संविधान जारी गर्न सकिने बताउनुभयो । ऐतिहासिक जनआन्दोलनका उपलब्धिलाई संस्थागत गर्न दलहरुले आफ्ना आन्तारिक सम्ास्यालाई थाँती राखेर भए पनि संविधान लेखनको कार्यमा लाग्न अध्यक्ष नेम्बाङले ध्यानकर्षण गराउनुभयो ।
|
|
|
|
|
|
|
|
