Shankar Basnet

एनसीसी कोरियामा सहमतिको नेतृत्व आवश्यक
[2015-06-20 오전 8:51:00]

नेपाली सम्पर्क समिति दक्षिण कोरियाको नया नेतृत्वको विषयमा अहिले कोरियामा बहस चलिरहेको छ । एनसिसिको यस्तो चुनौती पुर्ण अवस्थामा संस्थाको नेतृत्व लिनु सजिलो कुरा होईन । अहिलेको अवस्थामा एन सीसीको विगतको कमि कमजोरीहरुलाई सच्चाएर यसलाई नया उचाईमा पु-याउनु जरुरी छ ।

मैले एनसीसीको नेतृत्व लिने सोच संस्थाको आमुल परिवर्तनको लागि हो ।
१. एनसीसीमा सबैको सहभागिता : एनसीसीलाई सबैको साझा संस्था र छाता संस्था बनाउन सबै संघ संस्था र नेपाली समुदायलाई यसमा सहभागि गराउनु पर्छ ।

२. सहमतिको नेतृत्व : एनसीसी भित्र अहिले सहमतिको विषय प्रमुख रुपमा उठिरहेको छ । एनसीसीको अहिलेको अवस्थामा सबैले विगतको अवस्थाबाट पाठ सिकेर सहमति गर्नुको विकल्प छैन । यसमा हामीले एक ठाउमा बसेर सामुहिक टिम बनाएर जादा राम्रो हुन्छ ।

३.परोपकार कोष : एन सि सि नेपाली मजदुरहरुको साझा संस्थाको रुपमा विकास भएको हो । केही कमिजोरीको वावजुत कोरियामा रहेका ७० भन्दा बढि संघ संस्थाको छाता संगठनको रुपमा रहेको एन सि सि लाई उचाईमा पु¥याउन हामीले योगदान दिन जरुरी छ । यसको लागि म आफै पनि एक महिनाको तलब दिएर अभियानको शुरुवात गर्न तयार छु । सबै भन्दा ठुलो कुरा हामी सबै यसको लागि तयार हुनु पर्दछ ।

४ आत्महत्या लगायत मजदुरको समस्या: पछिल्लो समय कोरियामा आत्महत्या , सुतेको ठाउमा मृत्यु जस्ता समस्याहरु बढिरहेका छन । कम्पनीमा काम गर्दा विभिन्न प्रकारका समस्या पनि भोग्दै आउनु परेको छ । यसलाई दुतावासले पनि समाधान गर्न नसकेको हुदा हामीले मिलेर काम गर्नुपर्दछ ।

५ क्षेत्रीय समितिको पुर्नगठन र विस्तार: पछिल्लो समय कोरियामा रहेका क्षेत्रीय समितिहरु हाल निश्किृय छन । मैले पुराना कार्यसमितिसंग कुरा गरेर यसलाई पुर्नगठन र विस्तार गर्ने विषयमा छलफल गरेको छु । साथीहरुमा केही निराशा रहेको भएपनि यसलाई उत्साहमा बदलेर कोरियाका विभिन्न ठाउमा संगठनको शाखा विस्तार गर्नुपर्छ ।

६.अनुभवलाई संगठनको हितमा प्रयोग गर्ने: म एनसिसिमा कोरिया आएदेखि नै सक्रिय छु । संस्थामा २००८ मा कार्यसमिति सदस्य भएपछि म यसमा अझ नजिक भए । २०१० मा उपाध्यक्ष र अध्यक्ष डेविट राई नेपाल गएपछि कार्यवाहक अध्यक्ष पनि बने । त्यसबेला हामीले संगठनलाई सक्षम बनाउने आधार पनि तयार गरेका थियौं । कार्यक्रम गर्दा समेत आफैले निर्णय गर्नसक्ने अवस्थामा सम्म एन सि सि पुग्न लागको अवस्था हो । एन सि सि संस्था भित्रको विगत र वर्तमानलाई नजिक बाट देखेको छु । यसको कारण संस्थालाई अगाडि बढाउन सक्ने आधारहरु देखेको हुदा संस्थालाई अगाडि बढाउन मैरा अनुभवहरु काम लाग्ने छन भन्ने विश्वास लिएको छु ।

७.एनसिसि चुनौती:दक्षिण कोरियामा रहेका मजदुर , विधार्थी ,महिला व्यवसायी लगायत धेरैको विभिन्न संघ संस्थामा आवद्द रहेको अवस्था छ । यसको एक मात्र छाता संगठन एन सि सि भएको हुदा यसले नेपालीहरुको विकासमा प्रत्यक्ष असर पार्दछ । कोरियामा ईपिएस मजदुर ,महिला , विधार्थी तथा विभिन्न संघ संस्थाका कार्यक्रम र अभियान सफल पार्नुपर्ने, भुकम्प ,वाढिपिडित ,पहिरो जस्ता कारणहरुमा हामीले गर्न सक्ने धेरै कामहरु छन ।

८.मर्स र अधिवेशनको चिन्ता:कोरियामा रहेका २१ संगठन सहित विभिन्न नेपाली समुदायले मर्स रोगको कारण अधिवेशन गर्न नसकिने बताईरहेका छन । उनीहरुको भावना समेत कदर गर्नको लागि हामीले सहमतिमा नेतृत्व चयन गर्नैपर्छ । यसको लागि सामाजिक संस्था एन सि सि को नेतृत्व र पदाधिकारी बन्न ईच्छुक सबै साथीहरु एक ठाउमा बसौं र सामुहिक नेतृत्व बनाएर यहाँको नेपालीहरु माझ जाऔं यसले २८ गते नेपालीहरुको विशाल सहभागिता गर्नुपर्ने हामी विचको दवावलाई केही कम गर्छ भने सहमतिले एन सी सी प्रति नेपाली समुदायको विश्वासलाई बढाउछ ।

९. सबल एनसिसि अहिलेको आवश्यकता: नेपाली सम्पर्क समितिको बारेमा पछिल्लो समय धेरै प्रकारका विचारहरु वाहिर आईरहेका छन । विभिन्न मिडियाहरुमा यसका सुधार गर्नु पर्ने लगायत कमि कमजोरी सहितका आधारहरु आएका छन । सबैको विचारलाई सम्मान गर्दै अबको नेतृत्वले कोरियाका सम्पुर्ण संघ संस्थाको सामुहिक अन्तरक्रिया गरेर एन सि सि को अबको आधार तयार गर्नुपर्छ । यसो गर्दा एनसिसिमा सबैले आफ्नो सुझाव दिन पाउछन । अहिले धेरै संघ संस्थाले आफुहरुलाई वेवास्ता नगर्न र सामुहिक रुपमा एनसिसिलाई बढाउन अनुरोध गरिरहेका छन।सहमतिमा नेतृत्व चयन गरेको खण्डमा सबै संघ संस्थाहरुलाई एकै ठाउमा राखेर सामुहिक रुपमा संस्थालाई बढाउनु अहिलेको आवश्यकता हो । एक्लै र जवर जस्तीमा काम गरेर सफल हुन सक्दैन भन्ने विगतको अनुभवबाट हामीले आत्मआलोचना गरेर पाठ सिक्नुपर्दछ ।

संस्था भित्रको अहिलेको विभिन्न प्रकारका समस्याहरु छन । यसलाई हामी सबैले एकजुट भएर समाधान गर्न सक्छौं । एनसिसिलाई अगाडि बनाउने धेरै आधारहरु छन यसलाई यो र त्यो भनेर जानुभन्दा सामुहिक रुपमा नेपाली संघ संस्थाहरुले साझा उदेश्य वोकेर अगाडि बढनुपर्छ ।

यसर्थ हामीले सहमतिको लागि प्रयास गरौं । कोरियामा रहेका नेपालीहरुको भावनाको कदर गर्दै एनसिसिलाई अगाडि बढाउन कोरियामा रहेका विभिन्न संघ संस्था , प्रतिनिधि र नेपाली समुदायमा हार्दिक अनुरोध गर्र्दछु ।

शंकर बस्नेत
पूर्व कार्यवाहक अध्यक्ष एन सी सी दक्षिण कोरिया



Nick Name     
comment   




कोरियामा बृहत सांगितीक कार्यक्रम २०७६ भव्य रुपमा सम्पन्न


नेपाली सम्पर्क समितिका कोरियाका निवर्तमान अध्यक्ष शाह ठगीमा मुछिन्दै....












सर्वाधिकार नेपालीकोरिया डटकममा सुरक्षित छ । नेपालीकोरिया डटकममा प्रकाशित सामाग्रीहरु साभार गर्दा स्रोत खुलाई दिनु होला । स्रोत नखुलाई साभार नगरी दिनु होला । धन्यबाद हाम्रो ईमेल ठेगाना : nk@nepalikorea.com,nepalikorea@gmail.com