naya patrika

धमला जोक्स
[2014-08-12 오후 9:08:00]

ऋषि धमलाले आफ्नो चेकबुक हराएछन् । थाहा भए पनि व्यस्तताका कारण ऋषि धेरै दिनपछि मात्र बैंक गए ।
ऋषि : म्यानेजरजी मेरो चेकबुक हरायो ? कति दिनमा बन्छ, १०, १५, २० कति, कति दिन ?

म्यानेजर : तपाईंले आफ्नो चेकबुक जतनसँग राख्नुपथ्र्यो नि कसैले तपाईंको हस्ताक्षर चोरेर सबै पैसा निकालिसक्यो कि ?

ऋषि : म्यानेजर साब, म कहाँ त्यति मूर्ख छु ? मैले सबै चेकमा पहिल्यै हस्ताक्षर गरिसकेको छु ।

ऋषि धमलाले आफ्नो पुरानो गाडी बेच्न चाहे । एक लाख किलोमिटरभन्दा बढी गुडिसकेको गाडी किन्न कोही तयार भएन । त्यसैले ऋषिले एकजना साथीलाई गाडी नष्ट गरिदिन आग्रह गरे ।

तर, उसको साथीले गाडी नष्ट गर्नुभन्दा मिटररिडरलाई मिलाएर ३० हजार किलोमिटर मात्र गुडेको बनाउन सल्लाह दिए ताकि बेच्न सजिलो होस् ।

ऋषिले साथीले भनेजस्तै गरे, मिटर उल्टो घुमाएर ३० हजार किलोमिटर मात्र गुडेको बनाए । दुई हप्तापछि उक्त साथीले एक ग्राहकलाई लिएर ऋषिको क्लबमा गए ।

साथी : ऋषिजी, उहाँ तपाईंको गाडी किन्न इच्छुक हुनुहुन्छ रे !
ऋषि : ३० हजार मात्र गुडेको गाडी बेच्ने के मूर्ख हुँ ?

कहिल्यै भान्छामा नछिर्ने ऋषि धमला अचानक दिनको एकचोटि भान्छामा छिर्न थालेछन् । लौ, सधै क्यामेरामा देखिने श्रीमान्ले भान्छामा पनि सहयोग गर्ने भए भनेर धमलाकी श्रीमती मक्ख ।

तर, धमला सीधै गएर चिनीको बट्टा खोल्दा रहेछन् र यसो हेरेर बन्द गर्दा रहेछन् । त्यसपछि फटाफट बाहिर निस्कँदा रहेछन् ।

दुई–तीन दिन श्रीमान्को चर्तिकला देखेपछि श्रीमतीले सोधिन् : मेरा प्यारा हजुर † दिनदिनै चिनीको बट्टा खोल्ने र बन्द गर्ने किन गरिरहनुभएको छ ?

ऋषि : डाक्टरले नियमित रूपमा ‘सुगर’ चेक गर्नु भनेका छन्, त्यसैले ?

ऋषि धमला आफ्नी श्रीमतीसँग जुरासिक पार्क फिल्म हेर्न गएछन् । फिल्म चलेको केही मिनेटपछि अचानक डाइनोसर पर्दामा अगाडि आउन थालेछ । डरले धमला थरर्र ।

सँगै बसेकी श्रीमतीले धमला डराएको देखेर भनिछिन् : ऋषिजी, किन डराएको ? फिल्म त हो नि !
ऋषि : मलाई त थाहा छ, तर त्यो जनावरलाई के थाहा ?

पत्रकारिताबाट वाक्क लागेपछि ऋषि धमलालाई एकजना मित्रले कुखुरा फार्म खोल्न सुझाब दिएछन् । उनले एक सयवटा कुखुराको चल्ला किनेर ल्याएछन् ।

एक महिनापछि ऋषि चल्ला बेच्ने डिलरकोमा गएर एक सयवटा चल्ला पुन: मागेछन् ।
डिलर साहु : धमलाजी, पहिले लगेको चल्ला के भए, फेरि लिन आउनुभएछ ?
ऋषि : यहाँबाट लगेर रोपेको थिएँ । एक महिनासम्म पनि उम्रेन । अनि फेरि लिन आएको ।

ऋषि धमलालाई जागिर खाऊँ जस्तो लागेछ । एउटा कम्पनीमा लिखित पास गरेर अन्तर्वार्ता दिन पुगेछन् ।
अन्तर्वार्ताकार : ऋषिजी, तपाईंको जन्मदिनचाहिँ कुन हो ?
ऋषि : साउन २६ ।
अन्तर्वार्ताकार : कुन साल ?
ऋषि : तपाईं पनि कस्तो प्रश्न गर्नुहुन्छ यार, हरेक साल नि !

धमलाले एउटा पार्टीको निमन्त्रणा पाएछन् । विदेशबाट एकजना भिआइपी आएकाले उनको सम्मानमा आयोजना हुने पार्टीको निम्तो धमलाले पाएका थिए ।
निम्तो कार्डमा लेखिएको थियो, ‘रेड टाइ वन्ली ।’
पार्टीमा पुगेपछि मात्र धमलाले थाहा पाए, अरू निम्तालुले त पाइन्ट, सर्ट र जुत्ता पनि लगाएर आएका रहेछन् ।

ऋषि धमला विदेशबाट फर्के ।
घर आइपुगेर हतारहतार श्रीमतीलाई सोधे : प्यारी, के म विदेशीजस्तो देखिन्छु ।
श्रीमती : देखिनुहुन्न त, किन ?
ऋषि : बेलायतमा त एउटी महिलाले तपाईं त विदेशीजस्तो देखिनुहुन्छ भनी ।

ऋषि धमलालाई फेरि पढ्न मन लाग्यो । उनी कलेज जान थाले । कलेजमा एकदिन मास्टरले प्रश्न सोधे : पृथ्वी गोलो छ भन्ने तथ्यलाई प्रमाणित गर्नुस् त ऋषिजी ?
ऋषि : सर, मैले कहिल्यै यस्तो दाबी गरेकै छैन त किन प्रमाणित गरूँ ।

फुटबल विश्वकप सकिए पनि ऋषि धमला राति एक्लै ‘गोल–गोल’ भन्दै चिच्याउँदा रहेछन् । सपनामै उनी यसरी चिच्याएको थाहा पाएपछि धमलापत्नीलाई पतिको दिमाग त बिग्रिएन भन्ने लागेछ । उनले चेकअपका लागि डाक्टरकोमा जान पतिलाई कर गरिछिन् ।
पत्नीले कर गरेपछि धमला डाक्टरकोमा गएछन् ।
डाक्टर : के हुन्छ तपाईंलाई ?
धमला : रातभरि ‘गोल–गोल’ भन्दै चिच्याउँछु रे !
डाक्टर : फुटबल खेलेको सपना देख्नुहुन्छ कि के हो ?
धमला : होइन डाक्टरसाब, फुटबल हेरेको देख्छु । बाँदरहरू खुब फुटबल खेल्छन् ।
डाक्टर : त्यसो भए भरेदेखि सुत्नुभन्दा अगाडि यो औषधि खानुस्, सपना देख्न बन्द हुन्छ ।
धमला : आज होइन डाक्टरसाब, भोलिदेखि खान्छु ।
डाक्टर : किन ?
धमला : आज फाइनल छ क्या ।

एकदिन ऋषि धमला श्रीमतीसँग बसमा यात्रा गरिरहेका रहेछन् । त्यत्तिकैमा श्रीमतीले धमलालाई भनिछिन्, ‘डियर, मेरो टाउको दुख्यो ।’
धमलाले श्रीमतीको निधारमा किस गरिदिएछन् । श्रीमतीले सञ्चो भएझैँ गरिछिन् ।
एकछिनपछि श्रीमतीले फेरि भनिछिन्, ‘डियर, मेरो टाउको छाम त, तातो छ । ज्वरो त आएन ?’
धमलाले श्रीमतीको टाउको छामेछन् र फेरि किस गरिदिएछन् । श्रीमतीले फेरि सञ्चो भएजस्तो गरिछिन् ।
यो सब हेरिरहेकी छेउको सिटकी एकजना वृद्धाले धमलालाई भनिछिन्, ‘बाबुलाई पखालाको पनि उपचार गर्न आउँछ कि ?’



Nick Name     
comment   




कोरियामा बृहत सांगितीक कार्यक्रम २०७६ भव्य रुपमा सम्पन्न


नेपाली सम्पर्क समितिका कोरियाका निवर्तमान अध्यक्ष शाह ठगीमा मुछिन्दै....












सर्वाधिकार नेपालीकोरिया डटकममा सुरक्षित छ । नेपालीकोरिया डटकममा प्रकाशित सामाग्रीहरु साभार गर्दा स्रोत खुलाई दिनु होला । स्रोत नखुलाई साभार नगरी दिनु होला । धन्यबाद हाम्रो ईमेल ठेगाना : nk@nepalikorea.com,nepalikorea@gmail.com